About Author: LA-LordBastard

Description
I like taking long, romantic walks on the beach and watch the sunset and shoot dolphins - My other car is the Millenium Falcon -

Posts by LA-LordBastard

1

:::Tyrfingi sagt upp störfum:::

Eins og sést er tölvuaðstaðan hjá Þórshamri ein sú glæsilegasta sem sést hefur á Fáskrúðsfirði - Hér má sjá Tyrfing við störf þegar allt lék í lyndi

Tyrfingur Tindur Tryggvason, kerfisfræðingi hjá Þórshamri, hefur verið sagt upp störfum sem yfirmaður upplýsinga- og tölvutæknisteymis hjá félaginu.
Hafði hann verið ráðinn til að hafa umsjón með net- og tölvukerfi Þórshamars og einnig til að hanna og koma á koppinn nýrri vefsíðu fyrir félagið.

Tyrfingur segist vera ósáttur við uppsögnina og segist ætla leita réttar síns. Finnst honum hafa verið brotið á sér gróflega.
Í samtali við framkvæmdarstjóra Þórshamars er ástæða uppsagnarinnar, “stórlega gróf misnotkun í starfi”. Að hans sögn hafði Tyrfingur eytt mestum vinnutíma sínum á Facebook að spila Farmville og látið skrifa á risnureikning Þórshamars, ótæpilegt magn af sígarettum og áfengi. Einnig var Tyrfingur grunaður um að taka sér mjög oft aukalega 5 mínútur í kaffitímum og eyða dágóðum tíma í fyrirtækissímanum að tala við mömmu sína.

Framkvæmdarstjóri Þórshamars leitar nú að eftirmanni Tyrfings og hefur hengt upp auglýsingu í sjoppunni á Fáskrúðsfirði.

2

:::Í minningu boltastráks:::

Myndin tengist fréttinni beint því þetta er Halli -

Síðasta myndin sem var tekin af Haraldi. Var hann þá á leiðinni á opnunartónleika Hörpunnar.

Haraldur Gnúpi Sigurðsson frá Neðri-Bungu lést síðastliðin mánudag þegar hann varð fyrir mannlausu reiðhjóli.

Haraldur, eða Halli Hárfagri eins og sveitungar hans kölluðu hann, starfaði sem boltastrákur hjá knattspyrnufélaginu Þórshamar. Innti hann starfi sínu vel af hendi þegar hann var edrú.

Stjórn Þórshamars vottar aðstandendum hans, kisunni Klóru, dýpstu samúðarkveðjur.

Haraldur var 32 ára gamall og lætur eftir sig hálfa flösku af Íslensku Brennivíni og 2 poka af harðfisk.

0

:::Hjólað í vinnuna:::

Heilsu- og öryggisnefnd Þórshamars hefur hrint af stað átakinu, “Hjólað í vinnuna“.

Sannur leiðtogi!

Gísli Guðlaugsson, leikmaður Þórshamars, sýndi gott fordæmi og hjólaði rakleitt af pöbbnum á æfingu -

Eru allir starfsmenn fótboltafélagsins, jafnt sem leikmenn, þjálfarar, klappstýrur og skúringarkonur hvattir til að leggja sitt á vogaskálar heilsusamlegrar lífernis og sparnaðar á útblæstri út í andrúmsloftið.

Hefur átakinu verið ágætlega tekið og hafa bæjarbúar einnig smitast af þessu dugnaðarátaki, og eru flestir búnir að leggja traktorunum sínum og farnir að hjóla út um allt bæjarfélag eins og vindurinn.

Þó mátti heyra nokkrar óánægjuraddir meðal leikmanna Þórshamars, sem létu þetta átak ekki aftra sér að mæta á æfingar og leiki á Hummer jeppunum sínum og Ferrari bifreiðum.
Voru þetta aðallega erlendir leikmenn liðsins sem gáfu átakinu fingurinn.

Átakið stendur yfir í 2 daga, eða frá 19. – 20. maí.

3

:::Júróvisjón Hátíð Þórshamars:::

Þjálfari og leikmaður Þórshamars, Christoffer Obrestad hitar sig upp fyrir kvöldið - Hann lofar stuði -

Hin árlega Júróvisjón Hátíð Þórshamars verður haldin næsta föstudagskvöld klukkan 20:15 – Stundvíslega!

Miðaverð er aðeins kr. 20.000 ! Og rennur allur ágóði beint í vasann hjá knattspyrnustjóranum LordBastard.

Hvetjum alla til að mæta því þessu viljið þið alls ekki missa af !!!

Dagskrá:
*Jólasveinninn mætir á svæðið og fer með rímur og rugl –


*Bingó Bjössi skemmtir viðstöddum –

*Hinn landsfrægi og vinsæli söngvari, Jón Gunnarson, tekur létta slagara –

*Séra Seifur Sveinsson messar yfir liðinu –

*Haddi og Lalli fara með gamanmál –

*Flutt verður leikritið “Fossabaninn frá Fáskrúðsfirði” –

*Vídeó af síðasta leik á móti Scousers verður sýndur –

:::Skemmtistjórn Þórshamars:::